Manuscript U
Click or otherwise select a letter in the left-hand margin to see that manuscript
- MS A = Chantilly, Musée Condé 472
- MS C = ("Guiot"), Paris, Bibliothèque Nationale de France, fonds français 794
- MS E = Escorial, Real Monasterio de San Lorenzo M.iii.21
- MS F = Paris, Bibliothèque Nationale de France, f. fr. 1450
- MS G = Princeton, Firestone Library, Garrett 125
- MS T = Paris, Bibliothèque Nationale de France, f. fr. 12560
- U = Foulet-Uitti Critical Edition
- MS V = Vatican, Biblioteca Vaticana, Regina 1725
3001 Et a toz les autres, congié.
3002 Mes une chose vos cont gié
3003 Por ce que rien ne vos trespas,
3004 Que li chevaliers ne volt pas
A C E F G I T V 3005 Monter sor le cheval presté
3006 Qu'an li ot a l'uis presanté;
3007 Einz i fist, ce vos voel conter,
3008 Un des deus chevaliers monter
3009 Qui venu erent avoec lui.
A C E F G I T V 3010 Et il sor le cheval celui
3011 Monte, qu'ainsi li plot et sist.
3012 Quant chascuns sor son cheval sist,
3013 Si s'acheminerent tuit troi
3014 Par le congié et par l'otroi
A C E F G I T V 3015 Lor oste, qui serviz les ot
3016 Et enorez de quanqu'il pot.
3017 Le droit chemin vont cheminant
3018 Tant que li jorz vet declinant,
3019 Et vienent au Pont de l'Espee
A C E F G I T V 3020 Aprés none vers la vespree.
3021 Au pié del pont, qui molt est max,
3022 Sont descendu de lor chevax,
3023 Et voient l'eve felenesse,
3024 Noire et bruiant, roide et espesse,
A C E F G I T V 3025 Tant leide et tant espoantable
3026 Con se fust li fluns au deable,
3027 Et tant perilleuse et parfonde
3028 Qu'il n'est riens nule an tot le monde,
3029 S'ele i cheoit, ne fust alee
A C E F G I T V 3030 Ausi com an la mer salee.
3031 Et li ponz qui est an travers
3032 Estoit de toz autres divers,
3033 Qu'ainz tex ne fu ne ja mes n'iert.
3034 Einz ne fu, qui voir m'an requiert,
A C E F G I T V 3035 Si max ponz ne si male planche:
3036 D'une espee forbie et blanche
3037 Estoit li ponz sor l'eve froide,
3038 Mes l'espee estoit forz et roide
3039 Et avoit deus lances de lonc.
A C E F G I T V 3040 De chasque part ot un grant tronc,
3041 Ou l'espee estoit closfichiee.
3042 Ja nus ne dot que il i chiee
3043 Por ce que ele brist ne ploit,
3044 Que tant i avoit il d'esploit
A C E F G I T V 3045 Qu'ele pooit grant fes porter.
3046 Ce feisoit molt desconforter
3047 Les deus chevaliers qui estoient
3048 Avoec le tierz, que il cuidoient
3049 Que dui lÿon ou dui liepart
A C E F G I T V 3050 Au chief del pont de l'autre part
3051 Fussent lïé a un perron.
3052 L'eve et li ponz et li lÿon
3053 Les metent an itel freor
3054 Qu'il tranblent andui de peor
A C E F G I T V 3055 Et dïent: «Sire, car creez
3056 Consoil de ce que vos veez,
3057 Qu'il vos est mestiers et besoinz.
3058 Malveisemant est fez et joinz
3059 Cist pons, et mal fu charpantez.
A C E F G I T V 3060 Se a tans ne vos repantez,
3061 Au repantir vanroiz a tart.
3062 Il convient feire par esgart
3063 De tex choses i a assez.
3064 Or soit c'outre soiez passez --
A C E F G I T V 3065 Ne por rien ne puet avenir,
3066 Ne que les vanz pöez tenir
3067 Ne desfandre qu'il ne vantassent,
3068 Et as oisiax qu'il ne chantassent
3069 Ne qu'il n'osassent mes chanter,
A C E F G I T V 3070 Ne que li hom porroit antrer
3071 El vantre sa mere et renestre,
3072 Mes ce seroit qui ne peut estre,
3073 Ne qu'an porroit la mer vuidier --
3074 Pöez vos savoir et cuidier
A C E F G I T V 3075 Que cil dui lÿon forsené,
3076 Qui de la sont anchaené,
3077 Que il ne vos tüent et sucent
3078 Le sanc des voinnes et manjucent
3079 La char et puis rungent les os?
A C E F G I T V 3080 Molt sui hardiz quant je les os
3081 Veoir et quant je les esgart.
3082 Se de vos ne prenez regart,
3083 Il vos ocirront, ce sachiez;
3084 Molt tost ronpuz et arachiez
A C E F G I T V 3085 Les manbres del cors vos avront,
3086 Que merci avoir n'an savront.
3087 Mes or aiez pitié de vos
3088 Si remenez ansanble nos!
3089 De vos meïsmes avroiz tort
A C E F G I T V 3090 S'an si certain peril de mort
3091 Vos meteiez a esciant.»
3092 Et cil lor respont an riant:
3093 «Seignor, fet il, granz grez aiez
3094 Quant por moi si vos esmaiez;
A C E F G I T V 3095 D'amor vos vient et de franchise.
3096 Bien sai que vos an nule guise
3097 Ne voldrïez ma mescheance;
3098 Mes j'ai tel foi et tel creance
3099 An Deu qu'il me garra par tot:
A C E F G I T V 3100 Cest pont ne ceste eve ne dot
3101 Ne plus que ceste terre dure,
3102 Einz me voel metre en aventure
3103 De passer outre et atorner.
3104 Mialz voel morir que retorner.»
A C E F G I T V 3105 Cil ne li sevent plus que dire,
3106 Mes de pitié plore et sopire
3107 Li uns et li autres molt fort.
3108 Et cil de trespasser le gort
3109 Au mialz que il set s'aparoille
A C E F G I T V 3110 Et fet molt estrange mervoille,
3111 Que ses piez desarme et ses mains.
3112 N'iert mie toz antiers ne sains,
3113 Quant de l'autre part iert venuz.
3114 Bien s'iert sor l'espee tenuz,
A C E F G I T V 3115 Qui plus estoit tranchanz que fauz,
3116 As mains nues et si deschauz
3117 Que il ne s'est lessiez an pié
3118 Souler ne chauce n'avanpié.
3119 De ce gueres ne s'esmaioit
A C E F G I T V 3120 S'es mains et es piez se plaioit:
3121 Mialz se voloit il mahaignier
3122 Que cheoir del pont et baignier
3123 An l'eve don ja mes n'issist.
3124 A grant dolor si con li sist
A C E F G I T V 3125 S'an passe outre et a grant destrece:
3126 Mains et genolz et piez se blece,
3127 Mes tot le rasoage et sainne
3128 Amors qui le conduist et mainne,
3129 Si li estoit a sofrir dolz.
A C E F G I T V 3130 A mains, a piez et a genolz
3131 Fet tant que de l'autre part vient.
3132 Lors li remanbre et resovient
3133 Des deus lÿons qu'il i cuidoit
3134 Avoir veüz quant il estoit
A C E F G I T V 3135 De l'autre part; lors si esgarde:
3136 N'i avoit nes une leisarde,
3137 Ne rien nule qui mal li face.
3138 Il met sa main devant sa face,
3139 S'esgarde son anel et prueve,
A C E F G I T V 3140 Quant nul des deus lÿons n'i trueve
3141 Qu'il i cuidoit avoir veüz,
3142 Qu'anchantez fu et deceüz,
3143 Car il n'i avoit rien qui vive.
3144 Et cil qui sont a l'autre rive
A C E F G I T V 3145 De ce qu'ainsi passé le voient
3146 Font tel joie com il devoient,
3147 Mes ne sevent pas son mehaing.
3148 Et cil le tint a grant guehaing
3149 Quant il n'i a plus mal soffert,
A C E F G I T V 3150 Le sanc jus de ses plaies tert
3151 A sa chemise tot antor.
3152 Et voit devant lui une tor
3153 Si fort c'onques de sa veüe
3154 N'avoit nule si fort veüe;
A C E F G I T V 3155 La torz miaudre ne pooit estre.
3156 Apoiez a une fenestre
3157 S'estoit li rois Bademaguz,
3158 Qui molt ert soutix et aguz
3159 A tote enor et a tot bien,
A C E F G I T V 3160 Et lëauté sor tote rien
3161 Voloit par tot garder et faire.
3162 Et ses filz, qui tot le contraire
3163 A son pooir toz jorz feisoit,
3164 Car deslëautez li pleisoit,
A C E F G I T V 3165 N'onques de feire vilenie
3166 Et traïson et felenie
3167 Ne fu lassez ne enuiez,
3168 S'estoit delez lui apoiez.
3169 S'orent veü de la amont
A C E F G I T V 3170 Le chevalier passer le pont
3171 A grant poinne et a grant dolor.
3172 D'ire et de mautalant color
3173 En a Meleaganz changiee;
3174 Bien set c'or li ert chalangiee
A C E F G I T V 3175 La reïne; mes il estoit
3176 Tex chevaliers qu'il ne dotoit
3177 Nul home, tant fust forz ne fiers.
3178 Nus ne fust miaudres chevaliers,
3179 Se fel et deslëaus ne fust,
A C E F G I T V 3180 Mes il avoit un cuer de fust
3181 Tot sanz dolçor et sanz pitié.
3182 Ce fet le roi joiant et lié,
3183 Don ses filz molt grant duel avoit.
3184 Li rois certeinnemant savoit
A C E F G I T V 3185 Que cil qui ert au pont passez
3186 Estoit miaudres que nus assez;
3187 Que ja nus passer n'i osast
3188 An cui dormist et reposast
3189 Malvestiez, qui fet honte as suens
A C E F G I T V 3190 Plus que Pröesce enor as buens.
3191 Donc ne puet mie tant Pröesce
3192 Con fet Malvestiez et Peresce,
3193 Car voirs est, n'an dotez de rien,
3194 Qu'an puet plus feire mal que bien.
A C E F G I T V 3195 De ces deus choses vos deïsse
3196 Molt, se demore n'i feïsse;
3197 Mes a autre chose m'ator,
3198 Qu'a ma matiere m'an retor,
3199 S'orroiz comant tient a escole
A C E F G I T V 3200 Li rois son fil qu'il aparole:
3201 «Filz, fet il, avanture fu
3202 Quant ci venimes, gié et tu,
3203 A ceste fenestre apoier,
3204 S'an avons eü tel loier
A C E F G I T V 3205 Que nos avons apertemant
3206 Veü le plus grant hardemant
3207 Qui onques fust mes nes pansez.
3208 Or me di se boen gré ne sez
3209 Celui qui tel mervoille a feite?
A C E F G I T V 3210 Car t'acorde a lui et afeite,
3211 Si li rant quite la reïne!
3212 Ja n'avras preu an l'ateïne,
3213 Einz i puez avoir grant domage.
3214 Car te fai or tenir por sage
A C E F G I T V 3215 Et por cortois, si li anvoie
3216 La reïne einçois qu'il te voie.
3217 Fei li tel enor an ta terre
3218 Que ce que il est venuz querre
3219 Li dones ainz qu'il le demant.
A C E F G I T V 3220 Car tu sez bien certainnemant
3221 Qu'il quiert la reïne Ganievre.
3222 Ne te fai tenir por anrievre,
3223 Ne por fol ne por orguilleus!
3224 Se cist est an ta terre seus,
A C E F G I T V 3225 Se li doiz conpaignie feire,
3226 Que prodom doit prodome atreire
3227 Et enorer et losangier,
3228 Nel doit pas de lui estrangier.
3229 Qui fet enor, l'anors est soe:
A C E F G I T V 3230 Bien saches que l'enors iert toe
3231 Se tu fez enor et servise
3232 A cestui qui est a devise
3233 Li miaudres chevaliers del monde.»
3234 Cil respont: «Que Dex me confonde,
A C E F G I T V 3235 S'ausins boen ou meillor n'i a!»
3236 Mal fist quant lui i oblia,
3237 Qu'il ne se prise mie mains.
3238 Et dit: «Joinz piez et jointes mains,
3239 Volez espoir que je devaigne
A C E F G I T V 3240 Ses hom et de lui terre taigne?
3241 Si m'aïst Dex, ainz devandroie
3242 Ses hom que je ne li randroie
3243 La reïne! Dex m'an desfande
3244 Qu'en tel guise je la li rande!
A C E F G I T V 3245 Ja certes n'iert par moi randue,
3246 Mes contredite et desfandue
3247 Vers toz ces qui si fol seront
3248 Que venir querre l'oseront.»
3249 Lors de rechief li dit li rois:
A C E F G I T V 3250 «Filz, molt feroies que cortois
3251 Se ceste anreidie lessoies.
3252 Je te lo et pri qu'an pes soies.
3253 Ce sez tu bien que enors iert
3254 Au chevalier se il conquiert
A C E F G I T V 3255 Vers toi la reïne an bataille.
3256 Il la doit mialz avoir sanz faille
3257 Par bataille que par bonté
3258 Por ce qu'a pris li ert conté.
3259 Mien esciant il n'an quiert point
A C E F G I T V 3260 Por ce que l'an an pes la doint,
3261 Einz la vialt par bataille avoir.
3262 Por ce feroies tu savoir
3263 Se la bataille li toloies.
3264 Molt me poise quant tu foloies,
A C E F G I T V 3265 Mes se tu mon consoil despis,
3266 Moins m'an sera s'il t'an est pis;
3267 Et grant max avenir t'an puet,
3268 Que rien au chevalier n'estuet
3269 Doter fors que seulemant toi.
A C E F G I T V 3270 De toz mes homes et de moi
3271 Li doing trives et seürté;
3272 Onques ne fis deslëauté
3273 Ne traïson ne felenie,
3274 Ne je nel comancerai mie
A C E F G I T V 3275 Por toi ne que por un estrange.
3276 Ja ne t'an quier dire losange,
3277 Einz promet bien au chevalier
3278 Qu'il n'avra ja de rien mestier,
3279 D'armes ne de cheval, qu'il n'ait,
A C E F G I T V 3280 Des qu'il tel hardemant a fait
3281 Que il est jusque ci venuz.
3282 Bien iert gardez et maintenuz
3283 Vers trestoz homes sauvemant
3284 Fors que vers toi tot seulemant.
A C E F G I T V 3285 Et ce te voel je bien aprandre,
3286 Que s'il vers toi se puet desfandre,
3287 Il nel covient d'autrui doter.
3288 --Assez me loist ore escoter,
3289 Fet Meleaganz, et teisir,
A C E F G I T V 3290 Et vos diroiz vostre pleisir,
3291 Mes po m'est de quanque vos dites;
3292 Je ne sui mie si hermites
3293 Si piteus ne si charitables,
3294 Ne tant ne voel estre enorables
A C E F G I T V 3295 Que la rien que plus aim li doingne.
3296 N'iert mie feite sa besoigne
3297 Si tost ne si delivremant,
3298 Einçois ira tot autremant
3299 Qu'antre vos et lui ne cuidiez.
A C E F G I T V 3300 Ja se contre moi li aidiez,
3301 Por ce ne nos correceromes;
3302 Se de vos et de toz voz homes
3303 A pes et trives, moi que chaut?
3304 Onques por ce cuers ne me faut;
A C E F G I T V 3305 Einz me plest molt, se Dex me gart,
3306 Que il n'ait fors de moi regart,
3307 Ne je ne vos quier por moi feire
3308 Rien nule ou l'an puise retreire
3309 Deslëauté ne traïson.
A C E F G I T V 3310 Tant con vos plest soiez boens hon
3311 Et moi lessiez estre crüel.
3312 --Comant? N'an feroies tu el?
3313 --Nenil, fet cil. --Et je m'an tes.
3314 Or fei ton mialz, que je te les,
A C E F G I T V 3315 S'irai au chevalier parler:
3316 Offrir li voel et presanter
3317 M'aïde et mon consoil del tot,
3318 Car je me tieng a lui de bot.»
3319 Lors descendi li rois aval
A C E F G I T V 3320 Et fet anseler son cheval.
3321 L'an li amainne un grant destrier
3322 Et il i monte par l'estrier,
3323 Et mainne avoec lui de ses genz:
3324 Trois chevaliers et deus sergenz
A C E F G I T V 3325 Sanz plus fet avoec lui aler.
3326 Einz ne finerent d'avaler
3327 Tant que il vindrent vers la planche,
3328 Et voient celui qui estanche
3329 Ses plaies et le sanc en oste.
A C E F G I T V 3330 Lonc tans le cuide avoir a oste
3331 Li rois por ses plaies garir,
3332 Mes a la mer feire tarir
3333 Porroit autresi bien antendre.
3334 Li rois se haste del descendre,
A C E F G I T V 3335 Et cil qui molt estoit bleciez
3336 S'est lors ancontre lui dreciez,
3337 Non pas por ce qu'il le conoisse,
3338 Ne ne fet sanblant de l'angoisse
3339 Qu'il avoit es piez et es mains
A C E F G I T V 3340 Ne plus que se il fust toz sains.
3341 Li rois le vit esvertüer,
3342 Si le cort molt tost salüer
3343 Et dit: «Sire, molt m'esbaïs
3344 De ce que vos an cest païs
A C E F G I T V 3345 Vos estes anbatuz sor nos.
3346 Mes bien veignanz i soiez vos,
3347 Que ja mes nus ce n'anprendra,
3348 Ne mes n'avint ne n'avandra
3349 Que nus tel hardemant feïst
A C E F G I T V 3350 Que an tel peril se meïst.
3351 Et sachiez, molt vos en aim plus
3352 Quant vos avez ce fet que nus
3353 N'osast panser antemes feire.
3354 Molt me troveroiz deboneire
A C E F G I T V 3355 Vers vos et leal et cortois.
3356 Je sui de ceste terre rois,
3357 Si vos offre tot a devise
3358 Tot mon consoil et mon servise;
3359 Et je vois molt bien esperant
A C E F G I T V 3360 Quel chose vos alez querant:
3361 La reïne, ce croi querez.
3362 --Sire, fet il, bien esperez;
3363 Autres besoinz ça ne m'amainne.
3364 --Amis, il i covendroit painne,
A C E F G I T V 3365 Fet li rois, ainz que vos l'aiez.
3366 Et vos estes formant plaiez:
3367 Je voi les plaies et le sanc.
3368 Ne troveroiz mie si franc
3369 Celui qui ça l'a amenee,
A C E F G I T V 3370 Qu'il la vos rande sanz meslee;
3371 Mes il vos covient sejorner
3372 Et vos plaies feire atorner
3373 Tant qu'eles soient bien garies.
3374 De l'oignemant as trois Maries
A C E F G I T V 3375 Et de meillor, s'an le trovoit,
3376 Vos donrai ge, car molt covoit
3377 Vostre aise et vostre garison.
3378 La reïne a boene prison
3379 Que nus de char a li n'adoise,
A C E F G I T V 3380 Neïs mes filz cui molt an poise,
3381 Qui avoec lui ça l'amena:
3382 Onques hom si ne forssena
3383 Com il s'an forssene et anrage.
3384 Et j'ai vers vos molt boen corage,
A C E F G I T V 3385 Si vos donrai, se Dex me saut,
3386 Molt volantiers quanqu'il vos faut.
3387 Ja si boenes armes n'avra
3388 Mes filz, qui mal gré m'an savra,
3389 Qu'altresi boenes ne vos doigne,
A C E F G I T V 3390 Et cheval tel con vos besoigne.
3391 Et si vos praing, cui qu'il enuit,
3392 Vers trestoz homes an conduit.
3393 Ja mar doteroiz de nelui,
3394 Fors que seulemant de celui
A C E F G I T V 3395 Qui la reïne amena ça.
3396 Onques hom si ne menaça
3397 Autre con ge l'ai menacié,
3398 Et par po je ne l'ai chacié
3399 De ma terre par mautalant
A C E F G I T V 3400 Por ce que il ne la vos rant;
3401 S'est il mes filz: mes ne vos chaille,
3402 Se il ne vos vaint an bataille,
3403 Ja ne vos porra sor mon pois
3404 D'enui faire vaillant un pois.
A C E F G I T V 3405 --Sire, fet il, vostre merci!
3406 Mes je gast le tans et pert ci,
3407 Que perdre ne gaster ne vuel.
3408 De nule chose ne me duel,
3409 Ne ja n'ai plaie qui me nuise.
A C E F G I T V 3410 Menez moi tant que je le truise,
3411 Car a tex armes con je port
3412 Sui prez c'or androit me deport
3413 A cos doner et a reprandre.
3414 --Amis, mialz vos valdroit atandre
A C E F G I T V 3415 Ou .xv. jors ou trois semainnes,
3416 Tant que vos plaies fussent sainnes;
3417 Car boens vos seroit li sejorz
3418 Tot au moins jusqu'a .xv. jorz,
3419 Que je por rien ne sosferroie,
A C E F G I T V 3420 Ne esgarder ne le porroie,
3421 Qu'a tez armes n'a tel conroi
3422 Vos conbatessiez devant moi.»
3423 Et cil respont: «S'il vos pleüst,
3424 Ja autres armes n'i eüst,
A C E F G I T V 3425 Que volantiers a ces feïsse
3426 La bataille, ne ne queïsse
3427 Qu'il i eüst, ne pas ne ore,
3428 Respit ne terme ne demore.
3429 Mes por vos ore tant ferai
A C E F G I T V 3430 Que jusqu'a demain atendrai;
3431 Et ja mar an parleroit nus,
3432 Que je ne l'atandroie plus.»
3433 Lors a li rois acreanté
3434 Qu'il iert tot a sa volanté,
A C E F G I T V 3435 Puis le fet a ostel mener
3436 Et prie et comande pener
3437 De lui servir ces qui l'en mainnent,
3438 Et il del tot an tot s'an painnent.
3439 Et li rois, qui la pes queïst
A C E F G I T V 3440 Molt volantiers se il poïst,
3441 S'an vint de rechief a son fil,
3442 Si l'aparole come cil
3443 Qui volsist la pes et l'acorde,
3444 Si li dit: «Biax filz, car t'acorde
A C E F G I T V 3445 A cest chevalier sanz conbatre!
3446 N'est pas ça venuz por esbatre,
3447 Ne por berser ne por chacier,
3448 Einz vient por enor porchacier
3449 Et son pris croistre et aloser,
A C E F G I T V 3450 S'eüst mestier de reposer
3451 Molt grant, si con je l'ai veü.
3452 Se mon consoil eüst creü,
3453 De cest mois ne de l'autre aprés
3454 Ne fust de la bataille angrés
A C E F G I T V 3455 Dom il est ja molt desirranz.
3456 Se tu la reïne li ranz,
3457 Criens an tu avoir desenor?
3458 De ce n'aies tu ja peor,
3459 Qu'il ne t'an puet blasmes venir;
A C E F G I T V 3460 Einz est pechiez del retenir
3461 Chose ou an n'a reison ne droit.
3462 La bataille tot or androit
3463 Eüst feite molt volantiers,
3464 Si n'a il mains ne piez antiers,
A C E F G I T V 3465 Einz les a fanduz et plaiez.
3466 --De folie vos esmaiez,
3467 Fet Meleaganz a son pere;
3468 Ja par la foi que doi saint Pere
3469 Ne vos cresrai de cest afeire.
A C E F G I T V 3470 Certes, l'an me devroit detreire
3471 A chevax se je vos creoie.
3472 S'il quiert s'anor, et je la moie,
3473 S'il quiert son pris, et je le mien,
3474 Et s'il vialt la bataille bien,
A C E F G I T V 3475 Ancor la voel je plus cent tanz.
3476 --Bien voi qu'a la folie antanz,
3477 Fet li rois, si la troveras.
3478 Demain ta force esproveras
3479 Au chevalier, quant tu le viax.
A C E F G I T V 3480 --Ja ne me vaigne plus grans diax,
3481 Fet Meleaganz, de cestui!
3482 Mialz volsisse qu'ele fust hui
3483 Assez que je ne faz demain.
3484 Veez or con ge m'an demain
A C E F G I T V 3485 Plus matemant que ge ne suel.
3486 Molt m'an sont or troblé li oel,
3487 Et molt en ai la chiere mate.
3488 Ja mes tant que ge me conbate
3489 N'avrai joie ne bien ne eise,
A C E F G I T V 3490 Ne m'avendra rien qui me pleise.»
3491 Li rois ot qu'an nule meniere
3492 N'i valt rien consauz ne proiere,
3493 Si l'a lessié tot mau gré suen,
3494 Et prant cheval molt fort et buen
A C E F G I T V 3495 Et beles armes, ses anvoie
3496 Celui an cui bien les anploie.
3497 Iluec fu uns cirugïens
3498 Qui molt estoit boens crestïens;
3499 El monde plus leal n'avoit,
A C E F G I T V 3500 Et de plaies garir savoit
3501 Plus que tuit cil de Monpellier.
3502 Cil fist la nuit au chevalier
3503 Tant de bien con feire li sot,
3504 Car li rois comandé li ot.
A C E F G I T V 3505 Et ja savoient les noveles
3506 Li chevalier et les puceles
3507 Et les dames et li baron
3508 De tot le païs anviron;
3509 Si vindrent d'une grant jornee
A C E F G I T V 3510 Tot anviron de la contree
3511 Et li estrange et li privé;
3512 Tuit chevalchoient abrivé
3513 Tote la nuit anjusqu'au jor.
3514 D'uns et d'autres devant la tor
A C E F G I T V 3515 Ot si grant presse a l'enjorner
3516 Qu'an n'i poïst son pié torner.
3517 Et li rois par matin se lieve,
3518 Cui de la bataille molt grieve,
3519 Si vient a son fil de rechief,
A C E F G I T V 3520 Qui ja avoit le hiaume el chief
3521 Lacié, qui fu fez a Peitiers.
3522 N'i puet estre li respitiers,
3523 Ne n'i puet estre la pes mise;
3524 Si l'a li rois molt bien requise,
A C E F G I T V 3525 Mes ne puet estre qu'il la face.
3526 Devant la tor, enmi la place
3527 Ou tote la genz se fu treite,
3528 La sera la bataille feite,
3529 Que li rois le vialt et comande.
A C E F G I T V 3530 Le chevalier estrange mande
3531 Li rois molt tost, et l'an li mainne
3532 An la place qui estoit plainne
3533 Des genz del rëaume de Logres;
3534 Ausi con por oïr les ogres
A C E F G I T V 3535 Vont au mostier a feste anel,
3536 A Pantecoste ou a Nöel,
3537 Les genz acostumeemant,
3538 Tot autresi comunemant
3539 Estoient la tuit aüné.
A C E F G I T V 3540 Trois jorz avoient geüné
3541 Et alé nuz piez et an lenges
3542 Totes les puceles estrenges
3543 Del rëaume le roi Artu,
3544 Por ce que Dex force et vertu
A C E F G I T V 3545 Donast contre son aversaire
3546 Au chevalier qui devoit faire
3547 La bataille por les cheitis.
3548 Et autresi cil del païs
3549 Reprioient por lor seignor
A C E F G I T V 3550 Que Dex la victoire et l'enor
3551 De la bataille li donast.
3552 Bien main ainz que prime sonast
3553 Les ot an endeus amenez
3554 Enmi la place toz armez
A C E F G I T V 3555 Sor deus chevax de fer coverz.
3556 Molt estoit genz et bien aperz
3557 Meliaganz et bien tailliez,
3558 Et li haubers menu mailliez,
3559 Et li hiaumes et li escuz
A C E F G I T V 3560 Qui li estoit au col panduz
3561 Trop bien et bel li avenoient.
3562 Mes a l'autre tuit se tenoient,
3563 Nes cil qui volsissent sa honte,
3564 Et dïent tuit que rien ne monte
A C E F G I T V 3565 De Meliagant avers lui.
3566 Maintenant qu'il furent andui
3567 Enmi la place, et li rois vient,
3568 Qui tant com il puet les detient,
3569 Si se painne de la peis feire,
A C E F G I T V 3570 Mes il n'i puet son fil atreire;
3571 Et il lor dit: «Tenez vos frains
3572 Et vos chevax a tot le mains
3573 Tant qu'an la tor soie montez.
3574 Ce n'iert mie trop granz bontez
A C E F G I T V 3575 Se por moi tant vos delaiez.»
3576 Lors se part d'ax molt esmaiez
3577 Et vient droit la ou il savoit
3578 La reïne qui li avoit
3579 La nuit proié qu'il la meïst
A C E F G I T V 3580 An tel leu que ele veïst
3581 La bataille tot a bandon;
3582 Et il l'en otrea le don,
3583 Si l'ala querre et amener;
3584 Car il se voloit molt pener
A C E F G I T V 3585 De s'anor et de son servise.
3586 A une fenestre l'a mise,
3587 Et il fu delez li a destre
3588 Couchiez sor une autre fenestre,
3589 Si ot avoec aus deus assez
A C E F G I T V 3590 Et d'uns et d'autres amassez
3591 Chevaliers et dames senees
3592 Et puceles del païs nees;
3593 Et molt i avoit des cheitives
3594 Qui molt estoient antantives
A C E F G I T V 3595 En orisons et an proieres.
3596 Li prison et les prisonieres
3597 Trestuit por lor seignor prioient,
3598 Qu'an Deu et an lui se fioient
3599 De secors et de delivrance.
A C E F G I T V 3600 Et cil font lors sanz demorance
3601 Arriere treire les genz totes,
3602 Et hurtent les escuz des cotes,
3603 S'ont les enarmes anbraciees
3604 Et poignent si que deus braciees
A C E F G I T V 3605 Parmi les escuz s'antranbatent
3606 Des lances, si qu'eles esclatent
3607 Et esmïent come brandon.
3608 Et li cheval tot de randon
3609 S'antrevienent que front a front
A C E F G I T V 3610 Et piz a piz hurté se sont,
3611 Et li escu hurtent ansanble
3612 Et li hiaume, si qu'il resanble
3613 De l'escrois que il ont doné
3614 Que il eüst molt fort toné,
A C E F G I T V 3615 Qu'il n'i remest peitrax ne cengle,
3616 Estriés ne resne ne sorcengle
3617 A ronpre, et des seles peçoient
3618 Li arçon, qui molt fort estoient;
3619 Ne n'i ont pas grant honte eü
A C E F G I T V 3620 Se il sont a terre cheü
3621 Des que trestot ce lor failli;
3622 Tost refurent an piez sailli,
3623 Si s'antrevienent sanz jengler
3624 Plus fieremant que dui sengler,
A C E F G I T V 3625 Et se fierent sanz menacier
3626 Granz cos des espees d'acier
3627 Come cil qui molt s'antreheent.
3628 Sovant si aspremant se reent
3629 Les hiaumes et les haubers blans
A C E F G I T V 3630 Qu'aprés le fer an saut li sans.
3631 La bataille molt bien fornissent,
3632 Qu'il s'estoutoient et leidissent
3633 Des pesanz cos et des felons.
3634 Mainz estors fiers et durs et lons
A C E F G I T V 3635 S'antredonerent par igal,
3636 C'onques ne del bien ne del mal
3637 Ne s'an sorent au quel tenir,
3638 Mes ne pooit pas avenir
3639 Que cil qui ert au pont passez
A C E F G I T V 3640 Ne fust afebloiez assez
3641 Des mains, que il avoit plaiees.
3642 Molt an sont les genz esmaiees,
3643 Celes qui a lui se tenoient,
3644 Car ses cos afebloier voient,
A C E F G I T V 3645 Si criement qu'il ne l'an soit pis;
3646 Et il lor estoit ja a vis
3647 Que il en avoit le peior
3648 Et Meliaganz le meillor,
3649 S'an murmuroient tot antor.
A C E F G I T V 3650 Mes as fenestres de la tor
3651 Ot une pucele molt sage,
3652 Qui panse et dit an son corage
3653 Que li chevaliers n'avoit mie
3654 Por li la bataille arramie,
A C E F G I T V 3655 Ne por cele autre gent menue
3656 Qui an la place estoit venue,
3657 Ne ja enprise ne l'eüst
3658 Se por la reïne ne fust;
3659 Et panse, se il la savoit
A C E F G I T V 3660 A la fenestre ou ele estoit,
3661 Qu'ele l'esgardast ne veïst,
3662 Force et hardemant an preïst.
3663 Et s'ele son non bien seüst
3664 Molt volantiers dit li eüst
A C E F G I T V 3665 Qu'il se regardast un petit.
3666 Lors vint a la reïne et dit:
3667 «Dame, por Deu et por le vostre
3668 Preu, vos requier, et por le nostre,
3669 Que le non a ce chevalier,
A C E F G I T V 3670 Por ce que il li doie eidier,
3671 Me dites, se vos le savez.
3672 --Tel chose requise m'avez,
3673 Dameisele, fet la reïne,
3674 Ou ge n'antant nule haïne
A C E F G I T V 3675 Ne felenie, se bien non:
3676 Lanceloz del Lac a a non
3677 Li chevaliers, mien esciant.
3678 --Dex! Com en ai lié et riant
3679 Le cuer, et sain!» fet la pucele.
A C E F G I T V 3680 Lors saut avant et si l'apele,
3681 Si haut que toz li pueples l'ot,
3682 A molt haute voiz: «Lancelot!
3683 Trestorne toi et si esgarde
3684 Qui est qui de toi se prant garde!»
A C E F G I T V 3685 Qant Lanceloz s'oï nomer,
3686 Ne mist gaires a lui torner:
3687 Trestorne soi et voit amont
3688 La chose de trestot le mont
3689 Que plus desirroit a veoir,
A C E F G I T V 3690 As loges de la tor seoir.
3691 Ne puis l'ore qu'il l'aparçut
3692 Ne se torna ne ne se mut
3693 De vers li ses ialz ne sa chiere,
3694 Einz se desfandoit par derriere;
A C E F G I T V 3695 Et Meleaganz l'enchauçoit
3696 Totes voies plus qu'il pooit,
3697 Si est molt liez con cil qui panse
3698 C'or n'ait ja mes vers lui desfanse;
3699 S'an sont cil del païs molt lié,
A C E F G I T V 3700 Et li estrange si irié
3701 Qu'il ne se pueent sostenir,
3702 Einz an i estut mainz venir
3703 Jusqu'a terre toz esperduz
3704 Ou as genolz ou estanduz;
A C E F G I T V 3705 Ensi molt joie et duel i a.
3706 Et lors de rechief s'escria
3707 La pucele des la fenestre;
3708 «Ha! Lancelot! Ce que puet estre
3709 Que si folemant te contiens?
A C E F G I T V 3710 Ja soloit estre toz li biens
3711 Et tote la pröesce an toi,
3712 Ne je ne pans mie ne croi
3713 C'onques Dex feïst chevalier
3714 Qui se poïst apareillier
A C E F G I T V 3715 A ta valor ne a ton pris.
3716 Or te veons si antrepris
3717 Qu'arriere main gietes tes cos,
3718 Si te conbaz derrier ton dos.
3719 Torne toi si que de ça soies
A C E F G I T V 3720 Et que adés ceste tor voies,
3721 Que boen veoir et bel la fet.»
3722 Ce tient a honte et a grant let
3723 Lanceloz, tant que il s'an het,
3724 C'une grant piece a, bien le set,
A C E F G I T V 3725 Le pis de la bataille eü,
3726 Si l'ont tuit et totes seü.
3727 Lors saut arriere et fet son tor,
3728 Et met antre lui et la tor
3729 Meleagant trestot a force.
A C E F G I T V 3730 Et Meleaganz molt s'esforce
3731 Que de l'autre part se retort;
3732 Et Lanceloz sore li cort,
3733 Sel hurte de si grant vertu
3734 De tot le cors a tot l'escu,
A C E F G I T V 3735 Quant d'autre part se vialt torner,
3736 Que il le fet tot trestorner
3737 Deus foiz ou plus, mes bien li poist;
3738 Et force et hardemanz li croist,
3739 Qu'Amors li fet molt grant aïe
A C E F G I T V 3740 Et ce que il n'avoit haïe
3741 Rien nule tant come celui
3742 Qui se conbat ancontre lui.
3743 Amors et haïne mortex,
3744 Si granz qu'ainz ne fu encor tex,
A C E F G I T V 3745 Le font si fier et corageus
3746 Que de neant nel tient a geus
3747 Meleaganz, ainz le crient molt,
3748 C'onques chevalier si estolt
3749 N'acointa mes ne ne conut,
A C E F G I T V 3750 Ne tant ne li greva ne nut
3751 Nus chevaliers mes con cil fet.
3752 Volantiers loing de lui se tret,
3753 Se li ganchist et se reüse,
3754 Que ses cos het et ses refuse.
A C E F G I T V 3755 Et Lanceloz pas nel menace,
3756 Mes ferant vers la tor le chace,
3757 Ou la reïne ert apoiee.
3758 Sovant l'a servie et loiee
3759 De tant que si pres l'i menoit
A C E F G I T V 3760 Qu'a remenoir li covenoit
3761 Por ce qu'il ne la veïst pas
3762 Se il alast avant un pas.
3763 Ensi Lanceloz molt sovant
3764 Le menoit arriers et avant
A C E F G I T V 3765 Par tot la ou boen li estoit,
3766 Et totevoies s'arestoit
3767 Devant la reïne sa dame
3768 Qui li a mis el cors la flame,
3769 Por qu'il la va si regardant;
A C E F G I T V 3770 Et cele flame si ardant
3771 Vers Meleagant le feisoit,
3772 Que par tot la ou li pleisoit
3773 Le pooit mener et chacier!
3774 Come avugle et come eschacier
A C E F G I T V 3775 Le mainne, mau gré en ait il.
3776 Li rois voit si ataint son fil
3777 Qu'il ne s'aïde ne desfant;
3778 Si l'an poise et pitiez l'en prant;
3779 S'i metra consoil se il puet.
A C E F G I T V 3780 Mes la reïne l'an estuet
3781 Proier se il el vialt bien feire.
3782 Lors li comança a retreire:
3783 «Dame, je vos ai molt amee
3784 Et molt servie et enoree
A C E F G I T V 3785 Puis qu'an ma baillie vos oi;
3786 Onques chose feire ne soi
3787 Que volantiers ne la feïsse,
3788 Mes que vostre enor i veïsse;
3789 Or m'an randez le guerredon.
A C E F G I T V 3790 Mes demander vos voel un don
3791 Que doner ne me devrïez
3792 Se par amor nel feisïez.
3793 Bien voi que de ceste bataille
3794 A mes filz le poior sanz faille,
A C E F G I T V 3795 Ne por ce ne vos an pri mie
3796 Qu'il m'an poist, mes que ne l'ocie
3797 Lanceloz, qui en a pooir.
3798 Ne vos nel devez pas voloir,
3799 Non pas por ce que il ne l'ait
A C E F G I T V 3800 Bien vers vos et vers lui mesfait,
3801 Mes por moi qui molt vos an pri
3802 Li dites, la vostre merci,
3803 Qu'il se taigne de lui ferir.
3804 Ensi me porrïez merir
A C E F G I T V 3805 Mon servise se boen vos iere.
3806 --Biax sire, por vostre proiere,
3807 Le voel ge bien, fet la reïne;
3808 Se j'avoie mortel haïne
3809 Vers vostre fil, cui ge n'aim mie,
A C E F G I T V 3810 Si m'avez vos si bien servie,
3811 Que por ce que a gré vos vaigne
3812 Voel ge molt bien que il se taigne.»
3813 Ceste parole ne fu mie
3814 Dite a consoil, ainz l'ont oïe
A C E F G I T V 3815 Lanceloz et Meleaganz.
3816 Molt est qui aimme obeïssanz,
3817 Et molt fet tost et volentiers,
3818 La ou il est amis antiers,
3819 Ce qu'a s'amie doie plaire.
A C E F G I T V 3820 Donc le dut bien Lanceloz faire,
3821 Qui plus ama que Piramus,
3822 S'onques nus hom pot amer plus.
3823 La parole oï Lanceloz,
3824 Ne puis que li darriens moz
A C E F G I T V 3825 De la boche li fu colez,
3826 Puis qu'ele ot dit: «Quant vos volez
3827 Que il se taigne, jel voel bien,»
3828 Puis Lanceloz por nule rien
3829 Nel tochast ne ne se meüst,
A C E F G I T V 3830 Se il ocirre le deüst.
3831 Il nel toche ne ne se muet;
3832 Et cil fiert lui tant com il puet,
3833 D'ire et de honte forssenez,
3834 Quant ot qu'il est a ce menez
A C E F G I T V 3835 Que il covient por lui proier.
3836 Et li rois por lui chastïer
3837 Est jus de la tor avalez;
3838 An la bataille an est alez
3839 Et dist a son fil maintenant:
A C E F G I T V 3840 «Comant! Est or ce avenant,
3841 Qu'il ne te toche et tu le fiers?
3842 Trop par es or crüex et fiers,
3843 Trop es or preuz a mal eür!
3844 Et nos savons tot de seür
A C E F G I T V 3845 Qu'il est au desore de toi.»
3846 Lors dit Meliaganz au roi,
3847 Qui de honte fu desjuglez:
3848 «Espoir, vos estes avuglez!
3849 Mien esciant n'i veez gote.
A C E F G I T V 3850 Avuglez est qui de ce dote
3851 Que au desor de lui ne soie.
3852 --Or quier, fet li rois, qui te croie!
3853 Que bien sevent totes ces genz
3854 Se tu diz voir ou se tu manz.
A C E F G I T V 3855 La verité bien an savons.»
3856 Lors dit li rois a ses barons
3857 Que son fil arriere li traient.
3858 Et cil de rien ne se delaient,
3859 Tost ont son comandemant fet:
A C E F G I T V 3860 Meliagant ont arriers tret.
3861 Mes a Lancelot arriers treire
3862 N'estut il par grant force feire
3863 Car molt li poïst grant enui
3864 Cil feire ainz qu'il tochast a lui.
A C E F G I T V 3865 Et lors dist li rois a son fil:
3866 «Si m'aïst Dex, or t'estuet il
3867 Pes feire et randre la reïne.
3868 Tote la querele anterine
3869 T'estuet lessier et clamer quite.
A C E F G I T V 3870 --Molt grant oiseuse avez or dite!
3871 Molt vos oi de neant debatre!
3872 Fuiez! Si nos lessiez conbatre,
3873 Et si ne vos an merlez ja!»
3874 Et li rois dit que si fera,
A C E F G I T V 3875 «Que bien sai que cist t'ocirroit,
3876 Qui conbatre vos lesseroit.
3877 --Il m'ocirroit? Einz ocirroie
3878 Je lui molt tost et conquerroie
3879 Se vos ne nos destorbeiez
A C E F G I T V 3880 Et conbatre nos lesseiez.»
3881 Lors dit li rois: «Se Dex me saut,
3882 Quanque tu diz rien ne te vaut.
3883 --Por coi? fet il --Car je ne vuel.
3884 Ta folie ne ton orguel
A C E F G I T V 3885 Ne cresrai pas por toi ocirre.
3886 Molt est fos qui sa mort desirre,
3887 Si con tu fez, et tu nel sez.
3888 Et je sai bien que tu m'an hez
3889 Por ce que je t'an voel garder.
A C E F G I T V 3890 Ta mort veoir ne esgarder
3891 Ne me laira ja Dex, mon vuel,
3892 Car trop en avroie grant duel.»
3893 Tant li dit et tant le chastie
3894 Que pes et acorde ont bastie.
A C E F G I T V 3895 La pes est tex que cil li rant
3896 La reïne par tel covant
3897 Que Lanceloz sanz nule aloigne,
3898 Quele ore que cil l'an semoigne,
3899 Des le jor que semons l'avra,
A C E F G I T V 3900 Au chief de l'an se conbatra
3901 A Meliagant de rechief;
3902 Ce n'est mie Lancelot grief.
3903 A la pes toz li pueples cort
3904 Et devisent que a la cort
A C E F G I T V 3905 Le roi Artu iert la bataille,
3906 Qui tient Bretaigne et Cornoaille:
3907 La devisent que ele soit,
3908 S'estuet que la reïne otroit
3909 Et que Lanceloz acreant
A C E F G I T V 3910 Que, se cil le fet recreant,
3911 Qu'ele avoec lui s'an revanra,
3912 Ne ja nus ne la detanra.
3913 La reïne ensi le creante,
3914 Et Lancelot vient a creante,
A C E F G I T V 3915 Si les ont ensi acordez
3916 Et departiz et desarmez.
3917 Tel costume el païs avoit
3918 Que, puis que li uns s'an issoit,
3919 Que tuit li autre s'an issoient.
A C E F G I T V 3920 Lancelot tuit beneïssoient:
3921 Et ce pöez vos bien savoir
3922 Que lors i dut grant joie avoir,
3923 Et si ot il sanz nule dote.
3924 La genz estrange asanble tote,
A C E F G I T V 3925 Que de Lancelot font grant joie,
3926 Et dïent tuit por ce qu'il l'oie:
3927 «Sire, voir, molt nos esjoïsmes
3928 Tantost con nomer vos oïsmes,
3929 Que seür fumes a delivre
A C E F G I T V 3930 C'or serions nos tuit delivre.»
3931 A cele joie ot molt grant presse
3932 Que chascuns se painne et angresse
3933 Comant il puisse a lui tochier.
3934 Cil qui plus s'an puet aprochier
A C E F G I T V 3935 An fu plus liez que ne pot dire.
3936 Assez ot la et joie et ire,
3937 Que cil qui sont desprisoné
3938 Sont tuit a joie abandoné;
3939 Mes Meliaganz et li suen
A C E F G I T V 3940 N'ont nule chose de lor buen,
3941 Einz sont pansif et mat et morne.
3942 Li rois de la place s'an torne
3943 Ne Lancelot n'i lesse mie,
3944 Einçois l'an mainne; et cil li prie
A C E F G I T V 3945 Que a la reïne le maint.
3946 «En moi, fet li rois, ne remaint,
3947 Que bien a feire me resanble,
3948 Et Queu le seneschal ansanble
3949 Vos mosterrai ge, s'il vos siet.»
A C E F G I T V 3950 A po que as piez ne l'an chiet
3951 Lanceloz, si grant joie en a.
3952 Li rois maintenant l'an mena
3953 En la sale, ou venue estoit
3954 La reïne qui l'atandoit.
A C E F G I T V 3955 Quant la reïne voit le roi,
3956 Qui tient Lancelot par le doi,
3957 Si s'est contre le roi dreciee
3958 Et fet sanblant de correciee,
3959 Si s'anbruncha et ne dist mot.
A C E F G I T V 3960 «Dame, veez ci Lancelot,
3961 Fet li rois, qui vos vient veoir;
3962 Ce vos doit molt pleire et seoir.
3963 --Moi? Sire, moi ne puet il plaire;
3964 De son veoir n'ai ge que faire.
A C E F G I T V 3965 --Avoi! Dame, ce dit li rois
3966 Qui molt estoit frans et cortois,
3967 Ou avez vos or cest cuer pris?
3968 Certes vos avez trop mespris
3969 D'ome qui tant vos a servie
A C E F G I T V 3970 Qu'an ceste oirre a sovant sa vie
3971 Por vos mise an mortel peril,
3972 Et de Meliagant mon fil
3973 Vos a resqueusse et desfandue,
3974 Qui molt iriez vos a randue.
A C E F G I T V 3975 --Sire, voir, mal l'a enploié;
3976 Ja par moi ne sera noié
3977 Que je ne l'an sai point de gré.»
3978 Ez vos Lancelot trespansé,
3979 Se li respont mout humblemant
A C E F G I T V 3980 A meniere de fin amant:
3981 «Dame, certes, ce poise moi,
3982 Ne je n'os demander por coi.»
3983 Lanceloz molt se demantast
3984 Se la reïne l'escoutast;
A C E F G I T V 3985 Mes por lui grever et confondre
3986 Ne li vialt un seul mot respondre,
3987 Einz est an une chanbre antree.
3988 Et Lanceloz jusqu'a l'antree
3989 Des ialz et del cuer la convoie,
A C E F G I T V 3990 Mes as ialz fu corte la voie
3991 Que trop estoit la chanbre pres;
3992 Et il fussent antré aprés
3993 Molt volantiers s'il poïst estre.
3994 Li cuers qui plus est sire et mestre
A C E F G I T V 3995 Et de plus grant pooir assez
3996 S'an est oltre aprés li passez,
3997 Et li oil sont remés defors,
3998 Plain de lermes, avoec le cors.
3999 Et li rois a privé consoil
A C E F G I T V 4000 Dist: «Lancelot, molt me mervoil