Manuscript U

Click or otherwise select a letter in the left-hand margin to see that manuscript
• MS A = Chantilly, Musée Condé 472
• MS C = ("Guiot"), Paris, Bibliothèque Nationale de France, fonds français 794
• MS E = Escorial, Real Monasterio de San Lorenzo M.iii.21
• MS F = Paris, Bibliothèque Nationale de France, f. fr. 1450
• MS G = Princeton, Firestone Library, Garrett 125
• MS T = Paris, Bibliothèque Nationale de France, f. fr. 12560
• U = Foulet-Uitti Critical Edition
• MS V = Vatican, Biblioteca Vaticana, Regina 1725

                1 Des que ma dame de Chanpaigne
                2 Vialt que romans a feire anpraigne,
                3 Je l'anprendrai mout volentiers,
                4 Come cil qui est suens antiers
A C E F G I T V 5 De quanqu'il puet el monde feire,
                6 Sanz rien de losange avant treire.
                7 Mes tex s'an poïst antremetre
                8 Qui i volsist losenge metre,
                9 Si deïst, et jel tesmoignasse,
A C E F G I T V 10 Que ce est la dame qui passe
                11 Totes celes qui sont vivanz,
                12 Tant con les funs passe li vanz
                13 Qui vante en mai ou en avril.
                14 Par foi, je ne sui mie cil
A C E F G I T V 15 Qui vuelle losangier sa dame;
                16 Dirai je: «Tant com une jame
                17 Vaut de pelles et de sardines,
                18 Vaut la Contesse de reïnes»?
                19 Naie, je n'en dirai ja rien,
A C E F G I T V 20 S'est il voirs maleoit gré mien;
                21 Mes tant dirai je que mialz oevre
                22 Ses comandemanz an cest oevre
                23 Que sans ne painne que g'i mete.
                24 Del CHEVALIER DE LA CHARRETE
A C E F G I T V 25 Comance Crestïens son livre;
                26 Matiere et san li done et livre
                27 La Contesse, et il s'antremet
                28 De panser, si que rien n'i met
                29 Fors sa painne et s'antancion.
A C E F G I T V 30 Des or comance sa reison.